الشئ الوحيد , والحقيقه الوحيده في الدنيا دي ,إننا موجودين عشان نعبد ربنا ونشكره ونحمده إنه أوجدنا من العدم وجعلنا نؤمن به ونوحده . .
طبعا كلنا منقدرش ننكر الكلام ده , مهم كانت ديانتنا إيه ,, يعني كلنا متفقيين ,, لكن ؟؟؟؟؟
نفسي أعرف ليه حاجات تانيه كتير ...؟؟؟
ليه بنايئس و بنفشل في أول إمتحان من ربنا وننسى إنه معانا في صفنا ؟؟؟
ليه بسرعه بنفقد الأمل والإيمان وننسى إننا عباد الرحمن ؟؟؟
ليه بنطلب من الأخرين الكمال وإحنا جبل من النقصان ؟؟
ليه بنطلب الصدق وإحنا بنكذب بإستمرار ..؟؟؟
ليه بنقول على الطيب عبيط غلبان ؟؟؟
ليه بنطلب الوفاء بالعهد وإحنا والغدر خلان ؟؟؟
ليه بنطلب الأمانه وإحنا والغش إخوان ؟؟؟
ليه بنطلب الإخلاص وإحنا للخيانه حٌراص ؟؟؟؟
ليه أما نحب قوي نتجرح ,, ولو جرَحنا نتحب وينطلب وٍدنا ؟؟؟
ليه أما حد يجرحنا نقول الله يسامحه ,وننتقم من إلي كان جنبنا ؟؟
ليه أصبح الأمل والحلم جريمه يٌعاقب عليها الإنسان ويجب عليه طلب السماح والغفران ؟؟؟
ليه بنسقط عيوبنا على الأخر , وبندعي إننا الأطهر ؟؟؟؟
ليه بنحاسب غيرنا ,وننسى كل عيوبنا , مع إننا كلنا إنسان ؟؟؟
ليه بنقابل المعروف بضرب الكفوف , والإحسان بالنكران ؟؟؟
ليه ,, ليه ,,, ليه ,, ليه ,, ليه كتير من غير حسبان وعجبي عليك يا زمان ؟؟؟؟
لكن برضه ,, هرجع تاني وأقولها بيقين وإيمان ,,, على إيه ومن إيه وإزاي أخاف وأنا عبد للرحمن ؟؟؟؟
No comments:
Post a Comment